النتائج 1 إلى 2 من 2

الموضوع: شرح لعبة Jade Dynasty أونلاين شرح كامل اقوى لعبة اون لاين مجانية

بسم الله الرحمن الرحيم السلام عليكم ورحمة الله وبركاته شرح لعبة Jade Dynasty أونلاين شرح كامل اقوى لعبة اون لاين مجانية اللعبة نازلة الصيف الى فات

  1. #1
    تاريخ التسجيل
    Oct 2006
    المشاركات
    12,621
    معدل تقييم المستوى
    34

    افتراضي شرح لعبة Jade Dynasty أونلاين شرح كامل اقوى لعبة اون لاين مجانية

    بسم الله الرحمن الرحيم

    السلام عليكم ورحمة الله وبركاته

    شرح لعبة Jade Dynasty أونلاين شرح كامل اقوى لعبة اون لاين مجانية
    Dynasty أونلاين مجانية foto_jade_dynasty.jp

    اللعبة نازلة الصيف الى فات فى شهر مايو...

    و هى بتدور فى نفس الجو التاريخى بتاع سيلكرود و لكن قصة اكثر تشويقا ...

    قصة اللعبة بتدور عن 5 فصائل مختلفة اجتمعوا لهدف واحد ... اكتشاف سر الخلود ..

    و خلال رحلة البحث فى الذات .. 3 فصائل منهم انحرفوا لطريق الشر و 2 منهم للخير ..

    كل فصيلة منهم لها اسلوبها و طريقتها فى اللعبة و ليها نقاط قوى و نقاط ضعف مختلفة ..

    و تم اضافة شخصيتين جداد و هم البالو و الادرين والادرين يستعمل ال Bow
    ولكن ميزته انه لا يستعمل اسهم يعنى مش هتتضر انك تشترى اسهم خالص

    الفصيلة الاولى Jadeon
    Dynasty أونلاين مجانية 69907

    ال Jadeon هم الجنس الخير الرئيسى فى اللعبة ... و افضل وصف ليهم هو Sword magician ... فهم بارعين جدا فى استخدام السيف و السحر فى نفس الوقت و لكن يعيبهم انها بيلبسوا الملابس الخفيفة او ال Cloth ...

    تانى فصيلة هى Skysong
    Dynasty أونلاين مجانية Healyhealy.jpg?t=124
    و دى الجنس الخير التانى فى اللعبة و بيمتاز الجنس ده فى استخدام قوته لخدمة و مساعدة الغير ... و هم يعتبروا ال Healing Faction فى اللعبة و لكن رغم كدة لا يستهان بهم ابدا فى الحروب وجها لوجه ..

    تالت فصيلة عندنا هى ال Vim
    Dynasty أونلاين مجانية wallpaper_1024x768_4

    دول كانوا فى البداية فى جانب الخير ... و لكن خلال رحلتهم لاكتشاف سر الخلود اكتشف معلمهم كتب سحر قوية جدا فحب يحتفظ بيها لنفسه و انفصل بجماعة لوحده ...
    و رغم كدة كانوا ما والوا فى جانب الخير و لكنهم كانوا يقومون بتنفيذ العدالة بانفسهم دون اى اعتبار لقواعد او قوانين مما جعلهم يدخلون فى خلاف و صراع مع جماعة ال Jadeon و فى النهاية ينضموا لجانب الشر ..

    يمتاز ال Vim بمهارتهم فى القتال من مسافات قريبة و تحمل اكبر قدر من الالم ...
    مما يجعلهم افضل Tank فى اللعبة ...

    رابع فصيلة هى ال Lupin
    Dynasty أونلاين مجانية lupinfemale30_15.jpg

    و دول جنس الشر التانى ... و يمتاز الجنس ده بالرشاقة و السرعة فى الحركة مما يجعلهم افضل Assassians فى اللعبة و لكن يعيبهم ضعف دفاعهم ..

    اخر فصيلة هى ال Modo
    Dynasty أونلاين مجانية wallpaper_1024x768_1
    شخصيتى المفضلة و تعتبر شخصية المودو شخصية غامضة

    و دول تقدروا تعتبروهم ال Warlocks بتوع اللعبة ... فهما بيعتمدوا على ال Dots بالاضافة الى التحول ل Forms مختلفة كل منها لها مزاياها و لكن استخدام السحر الاسود ليه تمن ... و التمن هنا هو التضحية بروحك نفسها متمثلة فى ال HP بتاعك ..

    كدة نكون خلصنا ال 5 Faction اللى فى اللعبة ...

    نيجى بقى لمزايا اللعبة اللى فعلا خليتها تحقق المعادلة الصعبة ..


    1- اول ميزة و اللى اعتقد هتيجى على هوى معظم اللى بيلعبوا Silkroad ... ان اللعبة دى فيها نظام اسمه esper .. و ده بيكون عبارة عن مصدر طاقة بتلاقيه فى ال Quests او ال Drops ... فايدة مصدر الطاقة ده كذا حاجة ..
    اولا انه يقدر يتحكم فى الشخصية بتاعتك لوحده و انت مش موجود ... يعنى يضرب الوحوش .. و يلم ال Loot و يعملك Auto Potion ...

    يعنى من الاخر كدة .. Bot ...بس الفرق انه شرعى :D

    تانى ميزة ان كل esper ليه قوة مختلفة عن غيره و ممكن يديك Skills تقوى بيها نفسك ..

    تالت ميزة و هى ان ال esper ممكن يدمج روحك مع روح ال Pet بتاعك و يديك قوى اضافية على حسب نوع ال esper بتاعك (( هتكلم عن ال pet بعدين ))



    2- تانى ميزة فى اللعبة هو نظام ال Pets ... فال Pets هنا مش مجرد قرد يمشى معاك و يلم الفلوس او ذئب يضرب ضربات هايفة مش بتأثر ... لا ده ال pet بتاعك ممكن يكون عامل مهم جدا ليك فى المعركة ... فال Pet بتاعك بيتفاعل معاك من اول يوم تصطاده فيه .. بيتكلم معاك و بيتصاحب عليك و بيقولك نكت و لما يكون زعلان يقولك ايه مزعله و لو جعان ممكن يتخانق معاك ...
    بس الاهم من كدة ان ال Pet بتاعك ليه سلسلة مهارات كاملة خاصة بيه ... و مع زيادة اهتمامك و رعايتك ليه ممكن ال Pet بتاعك يتطور شكله و حجمه و مهاراته و تطور ال Pet ملوش علاقة بمستواك انت ولكن ليه علاقة باهتمامك بيه ...

    مش بس كدة ... ده ال Pet بتاعك كمان تقدر تندمج معاه و بيديك قوى و مزايا اضافية على حسب نوع ال Pet و على حسب نوع ال Esper ...

    بس للاسف ..رغم المزايا دى فيه كمان حاجة لازم تخدوا بالكم منها ... ال Pet بتاعك بيكبر فى السن و بيعجز و فى النهاية بيموت .... و لكن بعد ما يموت بيترك لك هدية مميزة يعبر بيها عن حبه ليك ... كل Pet بيكون ليه عمر معين على حسب نوعه و بعدها يتكل على الله


    3- تالت ميزة فى اللعبة ان حاجات ال Item Mall ممكن تشتريها عادى بجولد من جوا اللعبة يعنى مش محتاج تدفع عشان تلعب الا بقى لو انت مش بتعرف تجيب جولد جوااللعبة دى تبقى مشكلة تانية

    4- رابع ميزة فى اللعبة هو نظام الرومانسية و الجواز ... فكل ذكر فى اللعبة بيحصل على نصف دبلة ... و كل انثى بتحصل على نص تانى ..

    لو الذكر اللى معاه نص الدبلة لقى النص التانى المكمل للدبلة بتاعته يقدروا يدخلوا فى سلسلة من الختبارات عشان يتاكدوا ان هما الزوج المناسب لبعض و بعدها يتم الزواج ..

    5- كمان فى اللعبة فيه نظام اسمه Meitation او التأمل و النظام ده بيخليك لو انت AFK و واقف من غير ما تعمل حاجة و انت مشغل التأمل ... تقدر تاخد Exp و انت واقف مكانك من غير ما تعمل حاجة ...

    6- اللعبة فيها نظام الوظائف ... ففيه وظيفة صنع اللسحة و الدروع .. و فيه وظيفة صيد السمك و فيه وظيفة تقوية الاسلحة و الدروع و وظيفة تانية اسمه bloodsmelting و لكن معرفش بتاعة ايه :D

    7- كل faction من الخمسة بيبقى ليه حاجة اسمها Skill Tree بتوزع فيه نقاط المهارة على حسب مزاجك .. و كمان بيكون ليك حاجة اسمها Tomes و بتوزع فيها نقاط المعرفة حسب مزاجك ... عشان كدة كل شخصية بتكون مختلفة تماما على حسب ال Skill tree و ال Tomes .

    8- فيه نظام فى اللعبة اسمه Auto Route ... النظام ده جميل جدا ليه ... لانك ممكن تحدد للشخصية بتاعتك ال NPC اللى انت عايز تروحله او المكان اللى عايز تروحله و هى اوتوماتيك هيجرى لحد المنطقة اللى انت عايزها مهما كانت السمافة بعيدة ...

    9- ال Alliance بتاعك او الجيلد بيستفاد بالحاجات اللى بتعملها فى اللعبة و كل ما ال Rank بتاع ال Alliance بتاعك يزيد كل ما تتفتح ليكم Items و Skills جديدة .

    10- اللعبة فيها نظام ال Battle Grounds و ال Siege War لمحبى ال PvP

    11- فيه ميزة كمان مهمة جدا هتعجب ناس كتير .. و هى وجود Flying Mounts فى اللعبة دى ... فانت فى اللعبة دى ده تطير و تسافر و انت طاير و كمان تحارب و انت طاير .

    12- و على سيرة المحاربة و انت طاير .. كمان و انت على الارض و انت راكب حصانك تقر تحارب و تضرب من غير ما تنزل على حصانك ... فانا النهاردة شوفت مشهد جميل لواحد بيجري وسط الناس بالنمر بتاعه و عماله يطوح فيهم بالسيف و هو فوق الحصان :D

    13- ال quests فى اللعبة كذا نوع ..
    - Strory Quests : و دول مهمات بتفهم منها القصة واحدة واحدة .. و كل ما تخلص مهمة هتعرف القصة اكتر .
    - Journey Quests : و دول مهمات بيعتمدوا انهم يخلوك تسافر مسافات طويلة عشان تكتشف الخريطة .
    -Treasure Hunting Quests :و دى مهمات بتعتمد انك بتتبع كنز و تفضل تجمع معلومات عن مكانه لحد ما توصله فى النهاية
    -legendary Quests : و دى مهمات بتكون ضد ال Bosses اللى فى اللعبة
    - Clan Chain Quests : و دى مهمات على حسب ال Faction بتاعك
    - Exploration Quests : و دى مهمات بتكون داخل ال Dungeons
    - Monster Killing Quests : و دى مهمات قتل الوحوش العادية

    14- فيه بقى بعض المزايا الثانوية زى انك مثلا تقدر تشوف لبس اى شخص فى اللعبة و تعرف توزيع نقاط المهارة و ال Tomes بتوعه ... و تقدر كمان اى سلاح او لبس جالك جديد اللعبة تقارن بينه و بين اللى انت لبسه عشان تعرف هو احسن و لا اللى انت لابسه ....و فيه كمان حاجة اسمها minigames جوا اللعبة تقدر تسلى بيها وقتك لو زهقت من اللعبة ...


    التعديل الأخير تم بواسطة lovermoon ; 2014-02-28 الساعة 06:40 PM

  2. #2
    تاريخ التسجيل
    Aug 2012
    الدولة
    KSA
    المشاركات
    2
    معدل تقييم المستوى
    0

    افتراضي رد: شرح لعبة Jade Dynasty أونلاين شرح كامل اقوى لعبة اون لاين مجانية

    شكراً بركان موضوع رائع 3>

    وانا استمتع باللعبة الآن

المواضيع المتشابهه

  1. تحميل لعبة Jade Dynasty online أونلاين و شرح التسجيل
    بواسطة بركان في المنتدى منتدى الالعاب الاونلاين Online Games
    مشاركات: 2
    آخر مشاركة: 2011-09-09, 02:44 AM
  2. لعبة The Warlords أونلاين اقوي لعبه اون لاين من اصدار شركه TQ Digital
    بواسطة بركان في المنتدى منتدى الالعاب الاونلاين Online Games
    مشاركات: 4
    آخر مشاركة: 2011-07-07, 03:05 AM
  3. لعبة Cross Fire أونلاين لعبة اون لاين تنافس لعبة كونترا
    بواسطة بركان في المنتدى منتدى الالعاب الاونلاين Online Games
    مشاركات: 2
    آخر مشاركة: 2010-09-18, 03:09 AM
  4. لعبه crossfire أونلاين لعبة أكشن أون لاين حرب وقتال أونلاين
    بواسطة بركان في المنتدى منتدى الالعاب الاونلاين Online Games
    مشاركات: 2
    آخر مشاركة: 2010-07-29, 07:15 AM
  5. لعبة ترفيان أونلاين لعبة أون لاين لا تحتاج لتنصيب + شرح التسجيل فى اللعبة
    بواسطة بركان في المنتدى منتدى الالعاب الاونلاين Online Games
    مشاركات: 0
    آخر مشاركة: 2010-06-05, 02:06 PM

Visitors found this page by searching for:

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •